今日和老爸回醫院覆診，前列腺癌折騰了他好幾年，每月回醫院打針，暫時還發揮到少許作用，但，已接近尾聲了。

    到政府醫院覆診，每次見的醫生都會不同，四年來見過多個醫生，有敷衍的，有細心詢問病情的，有樂意解答問題的，而多數是冷漠的。以下是今日與老爸覆診時，我與醫生的對話。

醫生 :「叫咩名呀，」他雙眼望住電腦，雙手在打字。

我代答: 「xxx。」

醫生 :「點呀，覺得點呀，痾尿痾成點呀，有冇痾唔出呀。」

老爸有少許撞聾，我在他耳邊說:「醫生問你小便有冇事呀。」他高聲說 :「冇乜事，幾好，痾得出。」

醫生 : 「得啦，佢都話冇事啦，然後望住電腦自言自語咁話，20、16，」我知佢講緊癌細胞嘅高低。

我: 「醫生佢啲癌細胞有冇低到呢。」

醫生: 「今次低左小小，唉！又高又低。」個樣好唔耐煩咁。然後就問:「而家係唔係重打緊針架。」

我:「係呀，每個月都打緊賀爾蒙針。」

醫生:「咁得啦，繼續打啦。」毫無表情說:「半年後再覆診。」

我: 「醫生而家我爸爸三個月覆診一次架，半年會唔會耐左啲呢?」

醫生:「佢而家都冇嘢好做架喇，有事就入院啦。俾左張預約紙我去約時間覆診，然後叫我哋走得。」前後都冇十分鐘。

我:「醫生你重有張驗血紙未俾我喎。」

醫生:「驗嚟做乜吖，驗左都係得個知字嘅啫。」佢一面打字，一面細細聲咁講。

我:「咁又唔係喎，係醫院規定覆診前兩星期要去驗血，無左呢張紙醫院唔會同我哋驗。」

佢望左我一眼，我都望住佢，然後佢繼續打字，最後俾左張驗血紙我，雖然我有小小唔開心，臨走前都有同佢講「唔該晒」。

   日復日，年復年，每天要對著一大群病人，明白他們的辛勞與壓力。日子久了，有部份醫生的愛心也隨時間而改變，另人覺得好冷漠。